Cynnwys 3 Cefndir 3
Cynnwys 3 Cefndir 3 Deallusrwydd Artiffisial (AI) a dysgu peirianyddol Dyfodol dysgu peirianyddol Y Gymdeithas Frenhinol Trosolwg 4 Rhestr deunyddiau ac argraffu 5 Amseru – prosiect un-dydd 6 Amseru – prosiect pum-gwers 7 4 Canllaw cyflwyno cam-wrthgam 8 Gweithgaredd cychwynol 10 Enghreifftiau bob dydd o AI 11 Cwestiynau hwyluso 12 Ynglŷn â CREST Darganfod 13 8 2
Cefndir Dros yr ychydig flynyddoedd diwethaf rydym wedi gweld datblygiadau mawr ym maes dysgu peirianyddol - pwnc oedd arfer bod yn rywbeth o'r dyfodol. Mae llawer ohonom bellach yn rhyngweithio â systemau gan ddefnyddio dysgu peirianyddol yn ddyddiol, megis adnabod delwedd a llais ar gyfryngau cymdeithasol a chynorthwywyr personol rhithwir. Deallusrwydd artiffisial (AI) a dysgu peirianyddol Beth yw AI? Mae AI yn derm ymbarél sy'n cyfeirio at gyfres o dechnolegau lle mae systemau cyfrifiadurol wedi'u rhaglennu i arddangos ymddygiad cymhleth, wrth weithredu dan amodau ansicrwydd. Beth yw dysgu peirianyddol? Mae dysgu peirianyddol yn dechnoleg sy'n caniatáu i gyfrifiaduron ddysgu'n uniongyrchol o enghreifftiau a phrofiad ar ffurf data. Mae dulliau traddodiadol o raglennu yn dibynnu ar reolau cod caled, sy'n nodi sut i ddatrys problem, gam wrth gam. Mewn cyferbyniad, gosodir tasg i systemau dysgu peirianyddol, a rhoddir llawer iawn o ddata iddynt i’w ddefnyddio fel enghreifftiau o sut y gellir cyflawni'r dasg hon neu i ganfod patrymau ohono. Yna mae'r system yn dysgu sut orau i gyflawni'r allbwn a ddymunir. Beth yw algorithm? Mae algorithm yn rhestr o reolau y gellir eu dilyn i ddatrys problem neu i wneud penderfyniad. Edrychwch ar yr esboniad syml hwn gan BBC Bitesize https://www.bbc.com/bitesize/articles/z3whpv4 Beth ydyn ni yn ei olygu gan beiriant? Yng nghyd-destun dysgu peirianyddol mae ‘peiriant’ fel arfer yn cyfeirio at gyfrifiadur sy’n dysgu’n uniongyrchol o enghreifftiau a phrofiad ar ffurf data. Beth yw robot? Yng nghyd-destun dysgu peirianyddol ac AI, mae ‘robot’ fel rheol yn cyfeirio at ffurf ymgorfforedig AI; mae robotiaid yn gyfryngau corfforol sy'n gweithredu yn y byd go iawn. Efallai y bydd gan yr amlygiadau corfforol hyn fewnbynnau a galluoedd synhwyraidd sy'n cael eu pweru gan ddysgu peirianyddol. Dyfodol dysgu peirianyddol Yn y dyfodol, mae'n debygol y byddwn yn parhau i weld datblygiadau yng ngalluoedd dysgu peirianyddol, ac mae gan y broses gyffrous hon y potensial i newid y ffordd yr ydym yn defnyddio data mewn ystod o feysydd. Mae offer eisoes yn cael eu datblygu i gefnogi gofal iechyd, plismona, telathrebu, gyrru a ffermio. Beth fydd nesa? Mae'r cyfleoedd cymdeithasol ac economaidd a fydd yn dilyn y defnydd cynyddol o ddysgu peirianyddol yn sylweddol. Y Gymdeithas Frenhinol Y Gymdeithas Frenhinol yw academi wyddonol annibynnol hynaf y byd sydd mewn bodolaeth barhaus, sy'n ymroddedig i hyrwyddo rhagoriaeth mewn gwyddoniaeth. Mae'r Gymdeithas yn gweithio i gydnabod, hyrwyddo a chefnogi rhagoriaeth mewn gwyddoniaeth ac i annog datblygiad a defnydd gwyddoniaeth er budd dynoliaeth. Mae prosiect polisi dysgu peirianyddol y Gymdeithas Frenhinol yn ymchwilio i botensial dysgu peirianyddol dros y 5-10 mlynedd nesaf ac yn archwilio sut y gellir datblygu’r dechnoleg hon mewn ffordd sydd o fudd i bawb. Mae'r Gymdeithas Frenhinol wedi lansio adroddiad yn nodi'r camau sydd eu hangen i gynnal rôl y DU wrth hyrwyddo'r dechnoleg hon wrth sicrhau stiwardiaeth ofalus o'i datblygiad. Mae'r Gymdeithas Frenhinol wedi cefnogi datblygiad yr adnodd Darganfod CREST hwn. 3
